Isang Tula

Pagkakaibigan at Pag-ibig

Ni: Renelyn B. Sajulga

Pag-ibig ay sadyang mapagbiro

Bigla-biglang dumarating, dumaraan sa buhay ng tao

Sa pagdaan ng panahon iyong mapagtatanto

Ang wagas at tapat na pag-ibig kelanma’y ‘di susuko.

Kaysakit isipin, kayhirap tanggapin

Ang pagkakaibigang namuo’y masisira ng dahil sa isang pagtingin

Aakalain mong ito’y mawawala rin

Samahang nabuo maibabalik pa ba natin?

Kung kapalit nito’y, kelangan mo syang mahalin.

Nakakapanibugho, nakakapaghinayang

Hanggang dito na lang ba tayo mahal kong kaibigan?

Pasakit at kaligayahang ating pinagsaluhan

Ibabaon na lang ba sa alaala ng ating nakaraan?

Nagbago man ang dating samahan

Tunay na pagkakaibigan, wala pa ring iwanan

Sa kabila ng dagok, ako’y andyan lang

Mananatili tayong magkaibigan, magpakailanman.

Ito ay para sa isang taong naging bahagi ng aking buhay… Kelanman ‘di kita malilimutan at ang bawat sandali na tayo’y magkasama’y  mananatili sa aking puso’t isipan.

P.S.  

 Malalaman mo lang ang halaga ng isang tao ‘pag wala na siya.